عملاؤك يدخلون متجرك برقم جوالهم وكود يوصلهم برسالة. ما فيه كلمة مرور، ولا دخول بالإيميل.
كيف يسجّل دخوله
- يضغط «تسجيل الدخول» في متجرك.
- يكتب اسمه ورقم جواله ويضغط «أرسل الكود».
- يكتب الكود اللي وصله (6 أرقام) ويضغط «تأكيد».
الكود يشتغل 5 دقايق، ويقدر يطلب كود جديد بعد 60 ثانية، وله 5 محاولات غلط. الكود يوصل بس لأرقام السعودية والإمارات والكويت والبحرين وقطر وعمان. بعد الدخول يشوف في حسابه طلباته وعنوانه وبطاقاته المحفوظة، وسلته معه على أي جهاز.
الطلب بدون تسجيل
- العميل يقدر يطلب بدون ما يسجّل دخوله: يكتب اسمه وجواله ويكمل.
- الدفع بالبطاقة أو Apple Pay ما يحتاج كود.
- إذا كتب رقم يوصله كود، نعرض عليه «سجّل دخولك» عشان نعبّي عنوانه وبطاقاته المحفوظة، أو «أكمل بدون تسجيل».
- الدفع عند الاستلام يحتاج الكود دايم: «قبل الدفع عند الاستلام نرسل كود لجوالك نتأكد فيه من رقمك.» ويطلع بس لرقم خليجي وتوصيل داخل السعودية.
وش تشوف أنت في «العملاء»
- أول ما يسجّل أحد دخوله أو يطلب، نفتح له سجل بنفس رقمه، أو نستخدم سجله إذا كان موجود.
- اللي بدأ سجله بتسجيل دخول قبل أي طلب يطلع عليه «سجّل بنفسه»، وتبقى العلامة حتى لو طلب بعدين.
- «موثّق» تعني إنه أكّد رقمه بالكود. اللي طلب بدون تسجيل ودفع بالبطاقة رقمه مو موثّق.
- الرقم الموثّق ما تقدر تعدّله من الاستوديو، لأنه رقم دخوله.
ما تقدر تدخّل عميل أو تطلّعه من حسابه، ولا ترسل له كود أو دعوة من الاستوديو. وإضافتك لعميل بنفسك ما تفتح له حساب: يدخل متى ما بغى برقمه، ويوصل لنفس السجل.