انتقل للمحتوى

فواتيرك الضريبية في المالية

سجل الفواتير في «المالية»: الحالات، والفواتير المرفوضة، والتحميل.


صفحة «المالية» هي سجل الفواتير الضريبية والإشعارات الدائنة اللي ترفعها مبيعات متجرك لهيئة الزكاة. نرفعها من نفسها: ما تنشئ فاتورة بيدك. ولو متجرك مو مربوط بعد، تشوف «الفوترة الإلكترونية غير مفعّلة بعد» وزر «فعّل الفوترة الإلكترونية» يوديك لـ «الإعدادات» ثم «الضريبة».

وش تشوف في الصفحة

  • ثلاث أرقام فوق: «قبلتها الهيئة» و«في طريقها» و«تحتاج نظرتك». الأخير يطلع بالأحمر إذا كان أكثر من صفر.
  • بطاقة «هذي تحتاجك» إذا فيه فواتير مرفوضة أو متأخرة.
  • القائمة بأعمدة «الفاتورة» و«النوع» و«الطلب» و«المبلغ» و«تاريخ الرفع» و«الحالة». الضغط على أي سطر يفتح الطلب.
  • النوع: «فاتورة» أو «إشعار دائن». و«ما انرفعت بعد» تعني إن الهيئة ما ردت للحين.

الحالات

  • «مقبولة»: الهيئة قبلتها، وما عليك شي.
  • «في طريقها»: أرسلناها وننتظر الرد. نعيد المحاولة كل شوي من نفسنا.
  • «تحتاج نظرتك» مع «رفضتها الهيئة»: الهيئة رفضتها، وما نعيد رفعها من نفسنا.
  • «تحتاج نظرتك» مع «بدون رد لأكثر من يوم»: نكمّل المحاولة، بس ممكن تحتاج نظرة.
  • «مستبدلة»: انرفضت، وحلّت محلها فاتورة أحدث. تبقى في السجل.

صحّح فاتورة مرفوضة

  1. في «هذي تحتاجك»، اقرأ السطر تحت «السبب من هيئة الزكاة:».
  2. إذا السبب في رقمك الضريبي أو عنوانك، اضغط «عدّل بيانات الضريبة» وصحّحها في «الإعدادات» ثم «الضريبة». و«افتح الطلب» يوريك الطلب اللي انبنت منه الفاتورة، وبيانات الطلب نفسه ما تنعدّل.
  3. ارجع واضغط «ارفعها من جديد»، وأكّد بـ «ارفعها من جديد».

نبني فاتورة جديدة برقم جديد من بيانات الطلب الحالية، والقديمة تبقى في السجل «مستبدلة». تقدر ترفعها من جديد كذلك من بطاقة «الفاتورة الضريبية» في صفحة الطلب. ولو الهيئة رفضت بدون سبب، أرسل لنا رقم الفاتورة ونتابعها.

إذا ما صحّحت البيانات قبل ما ترفعها، الهيئة ترفض الفاتورة الجديدة كذلك، وكل محاولة تاخذ رقم فاتورة جديد.

الإشعارات الدائنة

لما ترجّع مبلغ طلب له فاتورة مقبولة، نرفع إشعار دائن من نفسنا بالمبلغ اللي رجع. ولما تلغيه، الإشعار يغطي الفاتورة كلها، إلا لو كان على الطلب إشعار دائن من استرداد قبل، وقتها ما نرفع إشعار ثاني. الإشعار يذكر الفاتورة اللي يلغيها، وما يتعدى مبلغها. الطلب اللي ما له فاتورة مقبولة ما ينرفع له إشعار.

حمّل الفاتورة

  • من القائمة: اضغط «تحميل PDF» في آخر سطر الفاتورة. يطلع على الفواتير بس، مو على الإشعارات الدائنة ولا الفواتير المرفوضة.
  • من صفحة الطلب: «الفاتورة» بعد ما يطلع الطلب، أو «الفاتورة الضريبية (PDF)» من «إجراءات أكثر» قبلها.

إذا ما انرفعت

  • «الفوترة الإلكترونية غير مفعّلة بعد، فما نقدر نرفع شي.»: اربط متجرك أول.
  • «هذا المتجر ما يحسب ضريبة القيمة المضافة السعودية، فطلباته ما ترفع للهيئة.»: نرفع بس الطلبات اللي انحسبت عليها ضريبة 15%.
  • «ما فيه شي نرفعه من جديد...»: أحدث فاتورة لهذا الطلب ما هي مرفوضة.
  • «ما قدرنا نرفعها من جديد. حاول بعد شوي.»: جرّب بعد دقايق.

المزيد في الضريبة