انتقل للمحتوى

أضف رقمك الضريبي وعنوانك الوطني

الرقم الضريبي والعنوان الوطني في «الإعدادات» ثم «الضريبة».


افتح «الإعدادات» ثم «الضريبة». أول بطاقة هي «التسجيل الضريبي»، وفيها عنوان متجرك الوطني ورقمك الضريبي. الهيئة تطبع العنوان على كل فاتورة، وتتحقق من الرقم وقت تربط متجرك بالفوترة الإلكترونية.

العنوان الوطني

  1. اكتب عنوانك المختصر في «العنوان الوطني»: 4 حروف وبعدها 4 أرقام، مثل RRRD2929.
  2. انتظر لين نجيب عنوانك من البريد السعودي. تشوف «جاري جلب عنوانك...» وقت البحث.
  3. اضغط «افتح للتأكيد» وراجع الأجزاء الستة: «الشارع» و«رقم المبنى» و«الحي» و«المدينة» و«الرمز البريدي» و«الدولة».

لو ما لقينا الرمز أو ما قدرنا نتحقق منه، اكتب الأجزاء بنفسك تحت. «الدولة» ثابتة على السعودية، ورقم المبنى 4 أرقام والرمز البريدي 5. آخر 4 أرقام في العنوان المختصر لازم تطابق رقم المبنى. العنوان يخص كل متجر لحاله.

الرقم الضريبي

  • «الرقم الضريبي» 15 رقم، يبدأ بـ 3 وينتهي بـ 3. تحت الخانة رابط «كيف أحصل عليها» يشرح لك التسجيل عند الهيئة.
  • الخانة اختيارية. إذا ما عندك رقم ضريبي اتركها فاضية، والعنوان ينحفظ عادي.
  • إذا كان رقمك لمجموعة ضريبية، تطلع خانة ثانية: «رقمك داخل المجموعة الضريبية»، وهو 10 خانات.
  • الرقم الضريبي واحد لحسابك كله، ونفسه اللي في طلب تفعيل الدفع بالبطاقة. والسجل التجاري ما ينكتب هنا، ناخذه من طلب التفعيل.

كيف ينحفظ

ما فيه زر حفظ في العادة. أول ما تكمّل الخانات المطلوبة وتوقف عن الكتابة ثانية تقريبا، نحفظ البطاقة ونطلع لك «انحفظت تعديلاتك.»، وبعدها تقفل كسجل للقراءة.

  1. عشان تغيّر شي، اضغط «تعديل» فوق البطاقة.
  2. عدّل الخانة، ونحفظ التغيير بنفس الطريقة.
  3. لو غيّرت رأيك، اضغط «إلغاء» ونرجّع القيم القديمة.

لو مسحت رقم ضريبي محفوظ، ما نحفظ المسح من نفسه. لازم تضغط «احفظ» بنفسك. وإذا غيّرت الرقم الضريبي، نمسح «رقمك داخل المجموعة الضريبية» وتكتبه من جديد.

مين يقدر يعدّل

صفحة «الضريبة» تطلع بس لصاحب المتجر ولأعضاء الفريق اللي دورهم يعطيهم صلاحية الضريبة. أما ربط المتجر بالهيئة فهو لصاحب المتجر وحده.

إذا واجهتك مشكلة

  • «الرقم الضريبي 15 رقم، يبدأ وينتهي بـ 3.» أو «الرقم الضريبي يبدأ بـ 3 وينتهي بـ 3.»: راجع الرقم من شهادة التسجيل.
  • «أضف رقمك أنت داخل المجموعة.» أو «هذا الرقم 10 خانات.»: رقمك داخل المجموعة ناقص أو غلط.
  • «آخر أربعة أرقام في العنوان المختصر هي رقم المبنى، والرقمين هنا مو متطابقين.»: صحّح واحد منهم.
  • «ناقص: ...» على زر «احفظ»: هذي الخانات اللي باقي تكتبها.
  • «ما تمت العملية. ما انحفظ شي، جرّب مرة ثانية.»: ما انحفظ شي، جرّب بعد شوي.

المزيد في الضريبة