انتقل للمحتوى

خطوات الانتقال إلى عقيل

وش ما ينتقل مع الاستيراد، وكيف تشغّل المتجرين، ومتى توجّه الدومين.


الانتقال إلى عقيل ثلاث مراحل: تنقل منتجاتك، تجهّز اللي ما ينتقل، وبعدها توجّه الدومين. الاستيراد يقرأ متجرك القديم بس وما يغيّر فيه شي، فيبقى شغّال ويبيع طول ما أنت تجهّز متجرك في عقيل.

وش ينتقل

المنتجات مع صورها وخياراتها وأنواعها، والمجموعات. تنقلها برابط متجرك في سلة أو زد أو شوبيفاي، أو من ملف CSV أو Excel، والاثنين من «المنتجات» ثم «استورد». الكميات ما تنتقل إلا من ملف.

وش ما ينتقل، وكيف تتعامل معه

  • الطلبات: ما ننقل الطلبات القديمة. طلباتك في عقيل تبدأ من أول طلب يجيك فيه.
  • العملاء: أضف اللي تبيه من «العملاء» ثم «أضف عميل».
  • التقييمات: أضف التقييم اللي وصلك في متجرك القديم من «التقييمات» ثم «أضف تقييم»، وننشره على طول.
  • أكواد الخصم: أنشئها من جديد في «التسويق».
  • الصفحات والقوائم: جهّزها من «المحتوى».
  • السياسات: اكتبها من «الإعدادات» ثم «السياسات».

شغّل المتجرين مع بعض

خل متجرك القديم يبيع لين يكون متجرك في عقيل جاهز. إذا غيّرت منتجات في القديم خلال هالفترة، استورد مرة ثانية: نحدّث المنتجات في مكانها وما نكررها، وأي تعديل عملته في عقيل يبقى. وانتبه إن الكميات ما تتحدّث مع إعادة الاستيراد، فعدّلها بيدك قبل ما تحوّل.

قبل ما تحوّل

  1. راجع صفحة الاستيراد وصلّح المنتجات اللي تحتاج نظرة.
  2. عبّ الكميات للمنتجات اللي تتتبّع مخزونها.
  3. جهّز الدفع والشحن من «الإعدادات».
  4. انشر متجرك، وإذا كانت المنتجات دخلت «مسودة» فعّلها.
  5. افتح متجرك المنشور وتأكد من صفحات المنتجات والدفع.

وجّه الدومين

آخر خطوة: اربط الدومين الخاص فيك من «الإعدادات» ثم «الدومين». سجلات DNS تعدّلها في المكان اللي يدير الدومين، وقد يكون منصتك القديمة. لما يصير الدومين «مربوط»، الزوار يوصلون لمتجرك في عقيل، وإذا استوردت برابط المتجر، الروابط القديمة للمنتجات والأقسام توديهم لصفحاتها الجديدة.

ما تقفل متجرك القديم قبل ما يصير الدومين «مربوط» وتتأكد إن متجرك في عقيل يستقبل الطلبات.

المزيد في الانتقال إلى عقيل